Мостот на Брегалница влегува во нова фаза

Сообраќајот се пренасочува кон „Штип сити Мол“

Завршување на работите најавено до 7 октомври

Дел од булеварот „Гоце Делчев“ во Штип е затворен за сообраќај, од крстосницата кај „Мал одмор“ до објектот на ЈП „Македонијапат“. Од Општина Штип информираат дека градежната компанија која ја реализира реконструкцијата на мостот на реката Брегалница започнува со по обемни активности и на долниот и на горниот дел од мостот.

Слушнете го Канал 77 радио во живо онлајн!

Возилата кои доаѓаат кон градот Штип ќе се пренасочуваат кај „Штип сити Мол“. Станува збор за дел од сообраќајницата која претставува важен влез и излез од градот, особено во правец кон Скопје, Кочани и Струмица, како и кон ТИРЗ Штип.

Реконструкцијата на мостот треба да заврши до 7 октомври

Од Општина Штип најавуваат дека градежните активности се очекува да завршат до 7 октомври, по што овој дел од булеварот „Гоце Делчев“ повторно треба да биде пуштен за сообраќај.

Градоначалникот на Општина Штип, Иван Јорданов, пред четири месеци истакна дека со градежните активности се опфатени подобрувањето на статиката на мостот и уредувањето на неговиот горен дел.

Планираните активности вклучуваат поставување нов асфалт на коловозот, уредување на тротоарните површини, поставување ограда и подобрување на уличното осветлување.

Инвестицијата ја реализира Јавното претпријатие за државни патишта, а нејзината вредност изнесува 30 милиони денари.