• За три години биле пријавени 24.000 хоспитализации со само 49 кревети, а дел од пациентите воопшто не биле во болница или доаѓале само за земање крв; за случајот се извршени околу 40 претреси и рации.

Околу 12 милиони евра се прелелале од Фондот за здравствено осигурување во шемата за лажни хоспитализации во Универзитетската болница „Св. Ѓорѓи“ во Пловдив, Бугарија.

Вкупно 40 претреси и рации беа извршени и во други медицински центри во уште три бугарски градови.  Окружното обвинителство во Пловдив поднесе барање за притвор на тројца од медицинските лица обвинети за измама на Фондот за здравство.

Слушај радио во живо

Според истрагата, во период од три години, на одделот за ревматологија на Универзитетската болница „Св. Ѓорѓи“ во Пловдив биле пријавени 24.000 упатувања, при што имало само 49 достапни кревети. Голем дел од оние кои се регистрирани како хоспитализирани или воопшто не ја посетиле клиниката, или биле таму само за да им се земе крв. Идентификувани се исклучително лоши практики, како што се болничари и лекари кои даваат крв наместо пациенти, при што пациентот не останува повеќе од два дена, туку само се води на пат.

Прочитајте и за ова:

Клековски: Имаме примери каде луѓе кои се на боледување работат друга работа, сакаме тоа да го сузбиеме, а не да малтретираме

Во овој период, Фондот за здравствено осигурување ѝ исплатил на болницата 12 милиони евра преку клинички патишта, од кои речиси 3 милиони евра биле нелегално исплатени. Дел од овие средства биле распределени како дивиденди и плати на лекарите на клиниката.

Обвинителството соопшти дека во клиниката имало неколку лекари кои биле категорично против вршење на вакви активности и биле казнети со тоа што им биле дадени малку кревети за прием на пациенти. Ова се одразило и на плаќањето. Како пример, тој посочи дека лекар кој не вршел фиктивни хоспитализации добил околу 1.500 евра, а другите кои биле во шемата добиле околу 6.000-7.000 евра. Исто така, била утврдена вмешаност на неколку медицински сестри.

Прочитајте и за ова:

Германските власти покренаа постапка против родители кои со лажни боледувања за децата патувале за Охрид и Скопје

На Клиниката биле пронајдени бројни лекови, некои од нив со истечен рок на траење, други од странство, како и скапи лекови кои не биле правилно складирани. Исто така, се истражуваат клинички испитувања со сомнително потекло.

Делото за кое се обвинети приведените медицински лица предвидува затворска казна од 3 до 15 години.