Рускиот министер за надворешни работи Сергеј Лавров остро одговори на прашањето зошто Москва не им дозволува на европските претставници да учествуваат во мировните преговори за Украина во Абу Даби, иако бројни европски делегации веќе пристигнаа во Обединетите Арапски Емирати.
Шефот на руската дипломатија му одговори на новинарот прашувајќи дали Русија треба да ги собори нивните авиони, а потоа рече дека европските претставници можат слободно да престојуваат во хотели додека Москва, Вашингтон и Киев водат преговори.
-Што предлагате, да ги собориме нивните авиони?! Кога Европејците веќе ќе долетаат таму, добро, нека седнат во хотелот малку – Лавров одговори на забелешката на новинарот дека има голем број претставници на европските земји во Абу Даби, но дека Русија не им дозволува да учествуваат во разговорите.
Неговата реакција доаѓа во време кога во Абу Даби започнаа дводневни преговори меѓу Русија, Соединетите Американски Држави и Украина, додека европските земји се обидуваат да обезбедат учество во одлучувањето за идниот мировен договор.
Преговорите што се одржуваа на 10 и 11 ноември беа организирани во трилатерален формат, со американско посредништво.
😂🇷🇺 Šta predlažete, da im obaramo avione?! 💬 Ovako je šef ruske diplomatije Sergej Lavrov odgovorio na primedbu novinara da se u Abu Dabiju nalazi veliki broj predstavnika evropskih zemalja, ali da im Rusija ne dozvoljava da učestvuju u pregovorima. https://t.co/hAMQcggzyi
— Sputnik Србијa (@rs_sputnik) November 10, 2026
Руската делегација ја предводи Владимир Медински, помошник на претседателот на Русија Владимир Путин, додека американската страна ја претставуваат специјалните пратеници на претседателот Доналд Трамп, Стив Виткоф и Џаред Кушнер. Украинската делегација ја предводи Рустем Умеров.
Сепак, во Абу Даби пристигнаа и претставници на Велика Британија, Франција, Германија и Италија, како и НАТО и Европската комисија.
Европските земји инсистираат дека не можат да бидат исклучени од разговорите поврзани со безбедноста на целиот континент, но Москва одбива да го прошири сегашниот формат на своите претставници, пренесува информер.рс.
