Единствениот автопат со направен технички прием е Демир Капија – Смоквица, рече министерот за транспорт и врски, Александар Николоски во телевизиско интервју. Признанието на министерот, веројатно ги објаснува на пример, работите што повремено се’ уште траат на автопатот Миладиновци – Штип. Ова е еден од автопатиштата каде почна да се вози без решени излези за некои од населените места, или продолжија да се прават потпорни ѕидови на одделни делници.
-Ние ретко имаме патишта коишто имаат технички прием и тоа е еден од проблемите коишто ги решаваме, за коишто ретко зборуваме во јавноста. А јас кога бев избран, единствен автопат којшто имаше технички прием Демир Капија – Смоквица. Само како еден пример, имаме автопатишта коишто се многу постари од Демир Капија, Смоквица и сега работиме еден по еден да ги запишеме, рече Николоски.
Министерот рече дека процедурата на запишување трае околу три месеци, но дека има ситуации кога изведувачот во тој период решава, како што кажа, понекој некој помал проблем, нешто да се надополни.
