По победата на изборите во Унгарија, Петар Маѓар откри дека сака да ги продлабочи врските со соседните земји, особено со Австрија, со која историски се поврзани уште од времето на Австроунгарската монархија.
„Порано делевме една земја, а Австрија е клучен економски партнер на Унгарија. Би сакал да ги зајакнам односите меѓу Унгарија и Австрија од историски, но и културни и економски причини“, рече лидерот на Тиса.
Иако голем фокус на неговата кампања беа најавите дека ќе ги обнови односите со ЕУ, тој ја гледа особено како дел од зајакнат блок на држави од Централна Европа, според Политико.
Како јасен сигнал за неговата визија, Маѓар објави дека неговите први патувања како нов унгарски лидер ќе бидат во Варшава и Виена на почетокот на мај.
Иако ја гледа Австрија како поприроден сојузник, може многу да научи од Полска за тоа како да се врати либералната демократија и како да се деблокираат замрзнатите средства на ЕУ поради проблеми со владеењето на правото.
Имено, еден од неговите приоритети е ослободување на 18 милијарди евра замрзнати средства на ЕУ.
„Посетата на Варшава се однесува на размена на искуства за транзицијата назад кон либерална демократија. Посетата на Виена има повеќе врска со европската политика и фактот дека е потребно да се дадат сопствени предлози од овој регион“, рече Емил Брикс, поранешен австриски дипломат и историчар, за Политико.
Унгарскиот и австрискиот канцелар Кристофер Штокер веќе започнаа со „подготовка на теренот“ за односите по Виктор Орбан во февруари, според двајца функционери присутни на состанокот.
Двете земји се веќе длабоко поврзани економски. Австрија е втор најголем инвеститор во Унгарија по Германија, а околу 134.000 Унгарци работат во Австрија, пренесува Б92.
