Немесио Осегуера, познат како Ел Менчо, водач на моќниот Картел на новата генерација Халиско (ЦХНГ), е убиен за време на воена рација, потврдија локалните власти.
Осегуера (60) беше еден од најбараните криминалци во Мексико и САД, а ЦЈНГ е одговорен за шверцување големи количини дрога, вклучително и фентанил, јавија американските медиуми.
САД понудија награда од 15 милиони долари за информации што би довеле до апсење или фаќање на Осегуера.
Multiple vehicles burn in the parking lot of a Costco in Puerto Vallarta, as the CJNG Cartel continues its rampage throughout the city and across the Mexican state of Jalisco. pic.twitter.com/z0iHsGItMA
— OSINTdefender (@sentdefender) February 22, 2026
Според извештаите, ЦЈНГ е познат по брутални методи, вклучувајќи отсекување глави и насилство врз ривалите и властите.
Осегуера со години успеваше да избегне апсење, работеше и како платен убиец за картел, а потоа основа сопствен. Осегуера е роден 1966 година во сиромашно село во планините Мичоакан, каде што со години се одгледуваат афион за опиум и марихуана, покрај тоа што се произведува авокадо. Како момче работел на полињата, а подоцна заминал во САД, каде што, според обвинувањата, влегол во трговија со хероин. По неколку години, уапсен е и издржал затворска казна во САД. Депортиран е во Мексико, каде што ѝ се придружил на полицијата, а потоа на картелот Миленио, сателит на картелот Синалоа. Подоцна станал главен извршител откако работел како платен убиец на картелот.
По неуспешниот обид за преземање на картелот Миленио, тргнал самостојно, му објавил војна на картелот Синалоа и го основал ЦЈНГ во сојуз со локална група за перење пари. Поранешниот полициски службеник го предводеше Картелот на новата генерација Халиско (ЦЈНГ), кој тој го основа од 2011 година. Во мексиканското подземје тој беше познат како господар на петлите поради неговата наклонетост кон борби со петли.
Мексиканското Министерство за одбрана соопшти дека Немесио Осегуера Сервантес е убиен во воена операција за негово апсење. Тој првично бил повреден и починал додека бил пренесуван со авион за Мексико Сити, се вели во соопштението на ;инистерството.
Шест други члена на бандата исто така биле убиени, а уште двајца биле уапсени за време на операцијата на единица на специјалните сили во општина Тапалпа во Халиско, според официјалните извештаи. Тројца војници наводно биле повредени и пренесени во болница, пренесе ДПА.
Операцијата предизвика насилна реакција од картелот. Членови на банди во неколку држави, вклучувајќи ги Халиско, Мичоакан, Агваскалиентес, Тамаулипас и Гванахуато, ги блокираа патиштата со запалени автомобили, камиони и автобуси.
Puerto Vallarta is a war-zone, many Canadians and tourists are trapped in their resorts and villas as CJNG cartel and security forces battle on the streets. pic.twitter.com/kLqNwjCjiZ
— Toronto Crime Watch (@CrimewatchTO) February 22, 2026
Пожари беа подметнати и во аптеки и мали малопродажни продавници. Во градот Пуерто Ваљарта на брегот на Пацификот, кој е популарен меѓу туристите, на видео објавено на интернет се гледаат запалени автомобили и големи црни облаци чад што се издигаат меѓу зградите. Властите ги повикаа луѓето да се засолнат.
🚨🇲🇽 BREAKING: The Mexican military is battling a heavily armed CJNG cartel, widely considered the most powerful and dangerous criminal organization in Mexico.pic.twitter.com/apR4d7bdix
— Jackson Hinkle 🇺🇸 (@jacksonhinklle) February 23, 2026
Некои меѓународни авиокомпании упатени кон аеродромот во Пуерто Ваљарта ги пренасочија своите летови, соопшти Мексиканската федерална агенција за цивилно воздухопловство. Властите во неколку држави соопштија дека училиштата денеска ќе бидат затворени.
Амбасадата на САД во Мексико исто така издаде безбедносно предупредување за американските граѓани. Поради тековните безбедносни операции и блокадите на патиштата, американските граѓани во погодените области треба да останат во своето сместување до дополнително известување, се вели во соопштението.
Заменик-државниот секретар на САД, Кристофер Ландау, на Х му честита на Мексико за убиството на „еден од најкрвавите и најнемилосрдни наркобосови“.
„Ова е голем развој за Мексико, САД, Латинска Америка и светот. Добрите момци се посилни од лошите“, нагласи тој.
🇲🇽 Mexican government regains control over the city of Puerto Vallarta, Jalisco.
— Lord Bebo (@MyLordBebo) February 22, 2026
The cartel cannot fight a conventional war with helicopters, tanks and such … so, after being beaten up a bit, retreats. https://t.co/0ONiCfv2FD pic.twitter.com/yIrEMpYTe1
Мексиканската претседателка Клаудија Шејнбаум повика на смиреност во објава на Х.
„Постои целосна координација со владите на сите држави; мора да останеме информирани и да останеме мирни“, напиша таа. „Работиме секој ден за мирот, безбедноста, правдата и благосостојбата на Мексико“.
Криминалниот синдикат што го предводеше Осегуера е транснационална организација со врски дури до Кина и Австралија. Покрај трговијата со фентанил, тој е вклучен и во изнуда, шверцување мигранти, кражба на нафта и минерали и трговија со оружје. МИА
