Првата министерка за вештачка интелигенција во светот е во Албанија и се вика „Диела“. Таа ја бранеше својата улога дека „не е тука за да ги замени луѓето, туку да им помогне“. Диела беше назначена од премиерот Еди Рама минатата недела.

Премиерот Рама, ја претстави Диела – дигитален аватар облечен во традиционална носија – како најнов „член на владиниот кабинет“, задолжен да ги направи јавните тендери „100% без корупција“.

 Пратениците почнаа да фрлаат шишиња и хартии кон премиерот Еди Рама, а за Диела рекоа дека е неуставна.

Глобалните медиуми побрзаа да го прогласат првиот министер за вештачка интелигенција во светот , што претставува научно-фантастична пресвртница во балканската политика.

Сликата е неодолива: фолклорна фигура поддржана од најновите модели на Azure OpenAI на Microsoft, подготвена да го реши еден од најтврдокорните проблеми со корупцијата во Европа.