Двајца пратеници ја надминуваат милионската граница, додека неколкумина се на чекор до неа:Исмаил Јахоски – со најмалку 2,287 милиони евра во пријавена вредност, го предводи списокот. Најголем дел од имотот се побарувања од дадени заеми, приходи од закуп и средства на лични сметки. Сумата не е конечна бидејќи за дел од недвижностите во анкетниот лист не е наведена конкретна цена.

Слушајте радио во живо

Мендух Тачи – со околу 1,23 милиони евра, тој е вториот пратеник кој ја надминува милионската граница.

Венко Филипче (лидер на СДСМ) – се наоѓа на третото место со пријавен имот од 850.659 евра (вклучувајќи шест станови во Скопје, мотор „Indian Pursuit“ и хартии од вредност за кои не е наведена точна финансиска вредност).

Прочитајте и за ова:

Не переле пари, утврдило ОЈО ГОКК и ја затвори истрагата за снабдување со мазут за ТЕЦ „Неготино“, сите осомничени остануваат на слобода

На чекор до нив се и:

• Ѓорѓија Сајкоски (ВМРО-ДПМНЕ) – 802.601 евро

• Димитар Ковачевски – 645.945 евра (со неодамна променета имотна структура)

• Горан Мисовски – 596.940 евра

• Моника Зајкова – околу 582.000 евра

Во поширокиот врв на листата се наоѓаат и Халил Снопче (550.000 евра), Илир Хасани (451.538 евра), Бејџан Иљас (430.000 евра), Илир Демири (406.497 евра) и Фатмир Битиќи (400.980 евра).

Овие бројки треба да се толкуваат со внимание. Анкетните листови не претставуваат класична проценка на нето-богатството, туку го прикажуваат само имотот и средствата што самите функционери и нивните семејства ги пријавиле пред надлежните институции.