Во текот на прес конференцијата во Брисел попладнето, каде беа презентирани акценти од извештаите за напредок на десет земји, меѓу кои и Македонија, новинар имаше едно подолго прашање за еврокомесарката Марта Кос. Новинарот се осврна на отворените прашања меѓу земјите кандидатки и членките на ЕУ и особено се задржа на односите меѓу Софија и Скопје.

Слушајте радио во живо

„Го поставувам прашањето кон вас бидејќи сега, а меморијата ми се враќа назад – вашата земја ја блокираше Хрватска пред 8 или 9 години, а сега Хрватска е повеќе или помалку во иста ситуација со Црна Гора. Па, целата енергија што ја изразувате секојдневно откога ја презедовте функцијата, не ја гледам во помагањето на Македонија и Бугарија да ги решат овие прашања“, рече новинарот.

Прочитајте и за ова:

ЕК ќе продолжи да ја поддржува земјата на нејзиниот пат кон ЕУ, нашата цел останува да го отвориме првиот кластер штом ќе се исполнат условите – рече Кос

На ова еврокомесарката Кос имаше сосема краток одговор:

„Ох, ве молам! Ние правиме доста многу за односите помеѓу Северна Македонија и Бугарија, но не кажуваме сè“, одговори Кос.

Но, што се крие зад тоа: „Не кажуваме сè“ или беше само оправдување во моментот?