Има најави од Бугарија дека се спротивставува на дел од 21-от пакет санкции против Русија, објави „Политико“, цитирајќи двајца дипломати. Овој пат, санкциите се насочени кон банкарските и крипто мрежите во земјата. Целта е да се зголемат шансите за банкарска криза и да се принуди Москва да седне на преговарачка маса.

Се очекува пакетот да вклучи до 90 банки. Ова ќе го зголеми бројот на санкционирани руски банки на над 100, што е повеќе од 50% од меѓународно поврзаните кредитори на Русија.

Новиот пакет беше предложен од Европската комисија на 9 јуни, а се очекува да биде усвоен до крајот на јули. Според „ЕУ Обзервер“, Комисијата предложила вклучување на рускиот патријарх Кирил на листата на санкции поради неговата поддршка на војната во Украина.

Бугарските медиуми пишуваат дека Бугарија ќе се обиде да го заштити рускиот духовен водач, пренесува.

Бугарија не зазеде став по рускиот напад во кој беше запален дел од Киево-Печерската лавра, манастирот во центарот на Киев, кој е под заштита на УНЕСКО и е еден од симболите на православието.

Бугарија почна да го менува курсот на надворешната политика со доаѓањето на Румен Радев на премиерската функција.