Бугарија нема да учествува во новата финансиска помош од Европската Унија за Украина, изјави бугарскиот премиер Румен Радев, пренесува ДПА. Неговата изјава доаѓа откако украинскиот претседател Володимир Зеленски побара дополнителни 70 милијарди евра за следната година за одбраната од руската инвазија.

Радев смета дека војната ја исцрпува европската економија и придонесува за социјални тензии и политичка нестабилност.

„Бугарија не може на никаков начин да биде вклучена во овие 70 милијарди евра“, изјави Радев за време на посетата на Тврдица.

Бугарија претходно учествуваше во заемот за Украина

Бугарскиот премиер потсети дека ЕУ одобрила заем од 90 милијарди евра за Украина, наменет за 2026 и 2027 година. Унгарија, Чешка и Словачка издејствувале да не учествуваат во трошоците за заемот, додека Бугарија тогаш била дел од договорот.

Радев повикува на брзо завршување на војната, оценувајќи дека нејзиниот исход нема да биде постигнат со воени средства.

„Исходот нема да се постигне со воени средства“, изјави бугарскиот премиер.