• Поранешниот градоначалник на Манчестер се враќа на големата британска политичка сцена
• Барнам зад себе има долг пат од пратеник до еден од највлијателните лабуристи
• Неговата визија за развој на регионите може да ја промени политиката на Велика Британија

Енди Барнам по повеќе од три децении во британската политика стигна до највисоката функција во земјата. Неговиот пат започнува во Лабуристичката партија уште како тинејџер, а продолжува преку министерски позиции, две неуспешни трки за лидер и девет години како градоначалник на Манчестер.

Слушнете го Канал 77 радио во живо онлајн!

Енди Барнам и патот од Вестминстер до Даунинг стрит

Енди Барнам е роден на Божиќ во 1970 година и на 15 години станал член на Лабуристичката партија. Тој често ја истакнува својата римокатоличка визија за социјална правда како основа на неговите политички ставови.

По дипломирањето англиски јазик и литература на Универзитетот во Кембриџ, неговата кариера продолжила преку синдикатите, работничките медиуми и државната администрација.

Видете исто така: Британскиот премиер Стармер поднесе оставка – во емотивен тон ја дочита одлуката пред соработниците и новинарите
Видете исто така: Стармер разгледуваше можност за испраќање британски војници во Украина

Во 2001 година станал пратеник, а неговата кариера во Вестминстер кулминирала со функцијата министер за здравство во владата на Гордон Браун.

Барнам двапати се обидел да стане лидер на Лабуристичката партија – во 2010 и во 2015 година. Иако не успеал, продолжил да има значајна улога во партијата и бил дел од владите во сенка на Ед Милибанд и Џереми Корбин.

Манчестер го создаде „Кралот на северот“

Во 2017 година, разочаран од бавните промени во Вестминстер, Барнам се кандидирал за градоначалник на Манчестер. Таму изградил имиџ на политичар кој е блиску до граѓаните и локалните проблеми.

„Каде и да живеете, без разлика дали гласавте за мене или не, јас ќе бидам градоначалник за вас, за народот“, порача Барнам по изборот.

Особено внимание привлече за време на пандемијата, кога се спротивстави на строгите ограничувања за северот на Англија и бараше поголема финансиска поддршка за работниците и бизнисите.

Неговите ставови му донесоа голема популарност и прекарот „Кралот на северот“, бидејќи многумина го гледаа како политичар кој ги застапува интересите на регионите надвор од Лондон.

Тој во тој период порача дека здравјето не е само борба против вирусот, туку поширока грижа за квалитетот на животот на луѓето.

„Манчестеризам“ како модел за цела Британија

По девет години на чело на Манчестер, Барнам тврди дека неговиот модел на локален економски развој може да се примени низ целата Велика Британија.

Неговата политика, позната како „манчестеризам“, се темели на поголема моќ за регионите, инвестиции надвор од Лондон и развој „од долу нагоре“.

„Економскиот раст не може да се диктира од горе надолу. Тој мора да се негува од долу нагоре“, порача Барнам во говорот со кој ја претстави својата визија.

Тој најави и создавање на посебна канцеларија на премиерот во Манчестер, со цел поголема поврзаност меѓу централната власт и регионите.

Поддршката од 322 од вкупно 405 пратеници на Лабуристичката партија го постави директно на патот кон Даунинг стрит.

Неговиот следен предизвик ќе биде да покаже дека успехот во Манчестер може да се претвори во национална политика и дека ветувањата за подобар животен стандард можат да станат реалност.

По долгогодишна политичка борба, Енди Барнам го оствари својот сон. Сега останува да се види колку долго ќе трае поддршката од гласачите и дали неговото лидерство ќе ја донесе најавената промена во Британија.

Слушајте го Канал 77 радио во живо КЛИКНЕТЕ ТУКА