За поефикасно да се справиме со корупцијата треба да се зголемат ингеренциите на директорите во поглед на дисциплинските постапки, сега за секој прекршок против вработен одлучуваат самите вработени и затворкси службеници кои не сакаат да си „ги вадат очите еден со друг“, изјави Есад Рахиќ директор на КПУ Скопје – Шутка, при гостување во емисијата „Стадион“ со проектот „Парадокс“ на тема „Затворите рај за ситната корупција“.

Тој смета дека треба да профункционираат затворските економии, ние ги намалуваме трошоците со приклучок на гас и енергетски обновлива соларна енергија, но државата треба да понуди поголем финансиски капацитет за реновирање, затоа што најголем дел од досегшното реновираше се должи на донации и спонзорства, вели Рахиќ.