Кога ќе заздрави економијата? Кога ќе си го вратиме претходниот начин на живот? Погрешни ли беа нашите приоритети? Имаме анализи за тоа што ќе се случува со економијата во случај на војна, елементарни непогоди, но немаме за вакви случаи кога сосема мал организам ја преврте сосема. Треба да имаме проекции за секакви ситуации, кажа Универзитетскиот професор Мирољуб Шукаров во емисијата Стадион на Канал 77.
Шукаров смета дека секторот за производство на храна може да се развива како сака, но државата мора да стави рака, особено врз стратешките продукти и да има резерви со храна.Моментално, немаме економија и таа полека ќе се пушта.Корона кризата покажа дека парите не повеќе се целна функција. Квалитетот на живот, мерен преку некоја друга призма, ќе треба да има некои други параметри, вели Мирољуб Шукаров.
