– Владата ќе понуди поширок сет мерки за санирање на последиците од пандемијата со коронавирусот за помош на сите компании, стимулирање на производството и за платите на вработените. До сите кои се однесуваат профитерски и шпекулативно во овој период и ги зголемуваат цените и маржите на производите, апелирам да бидат одговорни и ги уверувам дека ќе бидат строго санкционирани. Ги потсетувам дека инспекторите, кои сега се презафатени, ќе работат и после кризата – изјави министерот за економија Крешник Бектеши во емисијата „Стадион“ на Радио Канал 77.
